HOUSING

2nd LGU-Private Sector Housing Conference "Sandaang Bahay Bawat Probinsiya, Lungsod, Munisipyo at Pribadong Sector, 28 July 2005, Philippine Trade Training Center

MAGANDANG TANGHALI PO SA INYONG LAHAT.

MAGANDA ANG TEMA NG INYONG PAGTITIPON: “SANDAANG BAHAY BAWAT PROBINSIYA, LUNGSOD, MUNISIPYO AT PRIBADONG SEKTOR”. PALATANDAAN ITO NG INYONG INTERES NA ISULONG ANG MGA PROGRAMANG PABAHAY NG PAMAHALAAN. KINIKILALA NITO ANG MALAKING PAPEL NG SAMA-SAMANG PAGKILOS NG PAMAHALAAN AT PRIBADONG SEKTOR SA PROGRAMA NG PABAHAY.

KATUNAYAN PO, AKO ANG NAGREKOMENDA SA AKING BAYAN SA POLA, ORIENTAL MINDORO, BILANG PILOT SITE NITONG LGU HOUSING PROGRAM. NANG DUMALAW AKO SA POLA, KAMAKAILAN AY NAKITA KONG SINISIMULAN NA ANG PROYEKTONG ITO AT SIYEMPRE, NAKATUTUWANG MALAMAN KO NA MGA LOW SALARIED WORKERS ANG TARGET BENEFICIARIES NG PROJECT.

ALAM NAMAN NATIN NA MATINDI ANG PANGANGAILAN NG PAMILYANG PILIPINO SA PABAHAY. BASE SA TAYA NG HUDCC, ANG PANGANGAILANGAN SA PABAHAY AY UMABOT NA SA 3.7 MILLION UNITS SA TAONG 2005 HANGGANG 2010. NGUNIT ANG MAAARI LAMANG TUGUNAN NG GOBYERNO AY 1.1 MILYONG SHELTER SECURITY UNITS O TATLUMPU’T TATLONG PORSIYENTO (33%) NG PANGANGAILANGAN.

ANG NATITIRANG ANIMNAPU’T PITONG PORSIYENTO (67%) NITO NA HUMIGIT NA APAT NA DAANG LIBONG (MORE THAN 400,000) PABAHAY BAWAT TAON AY INAASAHAN NAMING TUTUGUNAN NG PRIBADONG SEKTOR SA TULONG NA DIN NG LOKAL NA PAMAHALAAN.

HABANG LUMALAKI ANG PANGANGAILANGAN NG ATING KABABAYAN, NADARAGDAGAN DIN ANG HAMON SA SEKTOR NG PABAHAY.

KUNG DATI ANG TINGIN SA INDUSTRIYA NG PABAHAY AY TUGON SA PANGUNAHING PANGANGAILANGAN NG TAO, NGAYON AY KINIKILALA NA ANG PABAHAY BILANG ISANG LABOR INTENSIVE O GAWAING MAKAKAPAGBIGAY HANAPBUHAY SA MARAMI NATING KABABAYAN.

AYON SA MGA PAG-AARAL, ANG PABAHAY AY MERONG MULTIPLIER EFFECT NA 16.6 TIMES. SA BAWA’T PISONG GINAGASTOS SA PABAHAY, AABOT SA 16.6 PISO ANG NAGIGING EPEKTO NITO SA EKONOMIYA.

MGA ISTRATEHIYA

BUKOD SA PAGBIBIGAY NG KASEGURUHAN SA PABAHAY ANG SEKTOR, AY NAATASAN DIN UPANG MABAWASAN ANG PAGSISIKIP NG METRO MANILA SA PAMAMAGITAN NG PAGTATAYO NG MGA BAGONG HOUSING AT COMMUNITY CENTERS SA IBA’T IBANG LUGAR NG BANSA.

PARA MAKAMIT ANG LAYUNING ITO, AT BASE NA RIN SA MGA NATUTUNANG LEKSYON SA NAKARAANG PROGRAMA SA PABAHAY, IPINATUTUPAD NATIN ANG MGA SUMUSUNOD NA POLISIYA AT PROGRAMA:

UNA, GINAWA NATING “INVESTMENT FRIENDLY” ANG SEKTOR NG PABAHAY.

NAKIPAG-UGNAYAN KAMI SA DEPARTMENT OF FINANCE UPANG ISULONG ANG EXEMPTION SA VAT PARA SA PAGBEBENTA NG MGA BAHAY NA MAY HALAGANG 1.5 MILLION PISO PABABA. SINISIKAP DIN NAMING MAITAAS ANG EXEMPTION CEILING NA ITO HANGGANG 2 MILLION.

PINAGTIBAY NG HUDCC COUNCIL ANG BAGONG PRICE CEILING PARA SA SOCIALIZED HOUSING, AYON NA RIN SA MUNGKAHI NINYO—MULA SA P225,000.00, NGAYON AY P300,000.00 NA. GINAWA NAMIN ITO UPANG HIGIT KAYONG MAENGANYO NA MAMUHUNAN SA SOCIALIZED HOUSING.

TINULUNGAN DIN NAMIN ANG MGA DEVELOPERS NA MAKA-COMPLY SA 20% BALANCED HOUSING REQUIREMENT NG BATAS. NAGBUKAS DIN KAMI NG ALTERNATIVE COMPLIANCE MECHANISMS, TULAD NG PAGBILI NG PAG-IBIG AT HGC HOUSING BONDS.

IKALAWA, TUMUGON TAYO SA PANGANGAILANGAN NG IMPORMAL NA SEKTOR SA PAMAMAGITAN NG IBA’T-IBANG PROGRAMA:

SINUPORTAHAN NATIN ANG MGA SUBUK NANG MULTI-STAKEHOLDER AT COST-EFFECTIVE HOUSING PROGRAMS TULAD NANG GAWAD KALINGA AT HABITAT FOR HUMANITY;

PINA-UNLAD NATIN ANG 86 NA LUPANG NAI-PROKLAMA NA PARA MAGAMIT SA PABAHAY;

IPINATUPAD NATIN ANG IBA’T-IBANG PARAAN NG PAGBIBIGAY-KATIYAKAN SA PABAHAY, TULAD NG PUBLIC RENTAL, LEASE/PURCHASE AT SHARED OWNERSHIP;

GINAWA NATING MAKATARUNGAN AT MAKATAO ANG PAGLILIPAT SA TIRAHAN NG MGA INFORMAL SETTLERS; AT

E. PINALAWAK NATIN ANG MICRO HOUSING FINANCE INITIATIVES SA PAMAMAGITAN NG RURAL BANKS AND MICROFINANCE INSTITUTIONS.

GINAGAWA DIN NAMIN ANG LAHAT,UPANG GAWING MODELO ANG MAAYOS AT MATAHIMIK NA PAGLILIPAT NG MGA NANINIRAHAN SA RIGHT OF WAY NG NORTH RAIL PATUNGO SA MGA BAGONG RELOCATION SITES. ANG NORTHRAIL RELOCATION PROJECT NG GOBYERNO AY ISA SA MGA PANGUNAHING PROYEKTO NA TINUTUKAN NAMING MABUTI.

NAIS KONG BIGYANG DIIN NA ANG RELOKASYONG ITO AY TUMUTUGUN HINDI LAMANG SA PANGANGAILAN SA PABAHAY NG MGA APEKTADONG PAMILYA NGUNIT SAGOT DIN ITO SA PROBLEMA SA TRANSPORTASYON NG MGA TAGA METRO MANILA AT KALAPIT NA LUGAR NITO.

IKATLO, PINALAKAS NATIN ANG KAPASIDAD NG MGA HOUSING AGENCIES, SA PAMAMAGITAN NG:

MAAYOS NA FINANCIAL MANAGEMENT NG MGA PROGRAMANG PABAHAY

PAGPAPATAAS NG COLLECTION EFFECIENCY SA MGA PAUTANG

PAGSASA-AYOS SA MGA NON-PERFORMING PROJECTS;

MABILISANG DISPOSISYON NG MGA NON-PERFORMING LOANS AND ASSETS; AT

TRANSPARENCY SA LAHAT NG TRANSAKSYON SA MGA AHENSIYA NG PABAHAY.

AT IKA-APAT, PINALAKAS NATIN ANG KAPASIDAD NG MGA LOCAL GOVERNMENT UNITS UPANG MABILIS NILANG MATUGUNAN ANG PANGANGAILANGAN SA PABAHAY SA PAMAMAGITAN NG MGA SUMUSUNOD:

PAGTATATAG NG MGA LOCAL HOUSING BOARDS SA BAWAT LUNGSOD AT MUNISIPALIDAD; AT PAGSULONG NA MAPABILIS PA ANG PAGPO-PROSESO NG MGA HOUSING PERMITS AT LICENSES, SA PAMAMAGITAN NG PAG-AALIS NG MGA PATAKARANG NAGPAPABAGAL NITO, KAGAYA NG MAKALUMANG BUILDING CODES, APPROVAL PROCESSES NA DOBLE-DOBLE AT AKSAYA SA ORAS, SOBRANG HIGPIT NA ZONING ORDINANCES, AT MGA BAYARIN AT BUWIS NA LABIS-LABIS O HINDI NAMAN KAILANGAN.

SINUSUPORTAHAN DIN NATIN ANG DECENTRALIZATION AT DEVOLUTION NG MGA GAWAING MAY KINALAMAN SA URBAN DEVELOPMENT, PLANNING, FINANCE, AT PROJECT IMPLEMENTATION AND MANAGEMENT.

HINDI MAGTATAGAL, AMING ILULUNSAD ANG PABAHAY BONDS PARA SA MGA LGUs UPANG SILA AY MAY MAPAGKUNAN NG MABILIS AT MURANG PONDO PARA SA PROYEKTO NG PABAHAY KATULAD NG ISANGDAANG BAHAY PARA SA MAHIRAP NG CREBA.

PROGRAMA PARA SA LGUS

SA PUNTONG ITO NAIS KONG ILATAG SA INYO ANG ILANG PROGRAMA NG HUDCC AT NG MGA AHENSIYA SA PABAHAY NA TUMUTUGON SA LOKAL NA PAMAHALAAN.

ANG PAG-IBIG FUND O HOME DEVELOPMENT MUTUAL FUND (HDMF) AY MAY LGU HOUSING LOAN PROGRAM. THE PROGRAM AIMS TO PROVIDE LGUS WITH THE NECESSARY FINANCIAL SUPPORT AND ASSISTANCE AT AFFORDABLE TERMS TO FAST-TRACK THE DEVELOPMENT AND IMPLEMENTATION OF HOUSING PROJECTS IN THEIR RESPECTIVE LOCALITIES.

WE ALSO TAPPED OFFICIAL DEVELOPMENT ASSISTANCE TO ASSIST CITIES/LGUS TO IMPROVE THEIR CAPACITIES IN PROVIDING ESSENTIAL INFRASTRUCTURE AND BASIC SERVICES TO THEIR CONSTITUENTS. KASAMA NA RIYAN ANG PAGDARAGDAG NG KAALAMAN AT KAKAYAHAN NG MGA CITY ADMINISTRATORS AT CITY PLANNERS. ILAN SA MGA ODA PROJECTS NA ITO AY ANG “DEVELOPMENT OF POOR URBAN COMMUNITIES SECTOR PROJECT” O DPUCSP SA ILALIM NG ASIAN DEVELOPMENT BANK, “CITIES WITHOUT SLUM INITIATIVE” SA ILALIM NG CITIES ALLIANCE, AT ANG “METRO MANILA URBAN SERVICES FOR THE POOR PROJECT” O MMUSP SA ILALIM PA RIN NG ASIAN DEVELOPMENT BANK.

TULAD NG CREBA SOCIAL HOUSING FOUNDATION KAMI SA HUDCC AY NANINIWALA NA ANG MGA LOKAL NA PINUNO AY MAS NASA POSISYON PARA TUKUYIN ANG AKTUWAL NA PANGANGAILANGAN SA PABAHAY NG KANILANG MGA CONSTITUENTS, KILALANIN ANG MGA KOMUNIDAD NA NANGANGAILANGAN NG TULONG, AT MAGPATUPAD NG MGA PROGRAMANG MAGDADALA NG KASEGURUHAN SA PAMAMAHAY.

MALAKI MAN ANG ATING SULIRANIN SA PABAHAY, KUNG ATING HAHATI-HATIIN AT TAYO AY MAGKAKAISA SA RESPONSIBILIDAD, AKO AY NANINIWALANG MAS MAPAPADALI NATIN ANG PAGPAPATUPAD NG MAKABULUHAN AT PANG MATAGALANG SOLUSYON.

WE HAVE TO CONTINUE LOOKING FOR NEW AND EFFECTIVE WAYS TO PROVIDE DECENT HOUSING FOR EVERY FILIPINO FAMILY AND THE WHOLE COUNTRY.

WE HAVE TO REMAIN FOCUSED ON OUR WORK.

WE CAN NOT ALLOW THE POLITICAL NOISE TO TAKE AWAY OUR ATTENTION FROM THE MORE PRESSING HOUSING ISSUES AT HAND.

POLITICS SHALL DISTRACT US FROM OUR SINGLE-MINDED COMMITMENT TO PROMOTE A STRONG, VIBRANT, AND EFFECTIVE HOUSING SECTOR.

AS THE IMPLEMENTORS OF THE PROGRAMS AND POLICIES IN HOUSING, WE ASSURE YOU THAT HUDCC AND THE HOUSING AGENCIES ARE READY TO HELP AND ASSIST THE PRIVATE SECTOR AND LOCAL GOVERNMENT UNITS IN FINDING SOLUTIONS TO OUR HOUSING PROBLEM.

MARAMING SALAMAT PO MULI SA INYONG PAGANYAYA SA AKIN. AKO AY UMAASA NA PAGKATAPOS NG PAGTITIPONG ITO AY UUWI TAYONG MAY MAS MALINAW NA PANANAW AT MAS MATATAG NA INSPIRASYON SA KUNG PAANO MAS MAPAPABUTI ANG ATING PAMAMAHALA AT ANG ATING PAKIKIPAGTULUNGAN SA LAHAT NG SEKTOR NG LIPUNAN PARA SA ISANG MAS MATATAG AT MAYAMANG PILIPINAS. SIMULAN NATING LAHAT, AT SAMA-SAMA DIN NATING TAPUSIN.

MARAMING SALAMAT PO AT MULI, MAGANDANG TANGHALI SA INYONG LAHAT!

home   |   Speeches main page   |