TOURISM, YOUTH CONCERNS, LOCAL GOVERNMENT

5th National Summit, Local Lady Legislators League of the Philippines
1:30 pm, 30 January 2004, Manila Pavilion Hotel, UN Avenue, Manila

MARAMING SALAMAT SA ATING BUTIHING EMCEE, VICE-GOVERNOR BELLA GANO TAKIMAN, FOUL-L FOUNDER AND NATIONAL PRESIDENT EDITHA GUICO DEMETRIA, SA LAHAT NG MGA OPISYALES AT MIYEMBRO NG FOUR-L PHILIPPINES, MAGANDANG HAPON… BAYAN!

ISANG TAOS-PUSONG PAGBATI ANG AKING IPINAABOT SA LAHAT NG KABABAIHANG MAMBABATAS MULA MGA LOKAL NA PAMAHALAAN.

MALAPIT SA AKING PUSO ANG MGA KABABAIHAN,… HINDI DAHIL TAYO AY LAPITIN NG MGA BABAE. KUNDI DAHIL AKO AY ISINILANG AT MAG-ISANG TINAGUYOD NG ISANG BABAE, AT YAN AY ANG AKING MAHAL NA INA.

KAMING MAGKAKAPATID AY INULILA NG AMING AMA NOONG AKO AY SAMPUNG TAONG GULANG PA LAMANG. AT MULA NOON AY MAG-ISANG PINAGSIKAPAN NG AMING INA ANG AMING PAMUMUHAY AT PAGAARAL. KAHIT MAHIRAP KAMI, NAGAWA NG AKING NANAY NA MAPAGTAPOS KAMING ANIM NIYANG ANAK SA PAGAARAL.

KAYA WALA HONG ISANG KABAYAN NGAYON KUNG WALA ANG ISANG BABAENG TULAD NINYO.

MARAMI SA AKING MGA PRINSIPYO AT ADHIKAIN AY NAGMULA SA MGA GABAY NG AKING INA. ANG AKING PANININDIGAN SA ENVIRONMENTAL ISSUES AY MULA SA PANGARAL NG AKING NANAY NA MAHALIN AT PANGALAGAAN ANG INANG KALIKASAN GAYA NG SARILING INA. ANG AKING MGA PANUNTUNAN SA AKING TAHANAN BILANG ISANG ASAWA AT AMA AY MULA SA HALIMBAWANG INIWAN NG AKING NANAY NA NAGSILBING NANAY AT TATAY NAMIN. AT ANG AKING PAGMAMAHAL SA KAPWA AT SA BAYAN AY TINURO NG AKING INA.

MAY KASABIHAN SA INGLES NA, BEHIND EVERY SUCCESSFUL MAN IS A WOMAN. HINDI HO AKO SIGURADO KUNG MAITUTURING AKONG SUCCESSFUL, PERO NAKASISIGURO PO AKO NA MALAKING BAHAGI ANG GINAMPANAN NG KABABAIHAN SA AKING BUHAY. AT YAN AY ANG AKING NANAY NOON, AT NGAYON NAMAN AY ANG AKING BUTIHING ASAWA AT DALAWANG ANAK NA BABAE.

KAYA HINDI DAHIL AKO AY ISANG LALAKI AT ANG IBANG KANDIDATO NAMAN AY BABAE, AY HINDI NA NINYO AKO SUSUPORTAHAN. MAS NAKASISIGURO PA NGA KAYO SA AKING TAPAT NA PAGSISILBI SA INTERES NG KABABAIHAN DAHIL MARUNONG AKONG MAGMAHAL NG TAPAT SA BABAE. BUKSAN MAN NINYO ANG AKING DIBDIB, ANG INYONG MAKIKITA AY ANG KATAGANG “100% MADE AND NURTURED BY A WOMAN” NA NAKATATAK SA AKING PUSO.

AT NGAYON SA ISA PANG PAGKAKATAON, PINAKITA KO ANG AKING RESPETO AT BILIB SA GALING AT HUSAY NG KABABAIHAN. KAHIT NANGUNGUNA TAYO SA SURVEY SA PAGKA-PANGULO, AT KAHIT NA MARAMING IBANG KANDIDATO ANG NAGHIHIKAYAT SA ATING TUMAKBO KASAMA NILA, WALANG IBA KUNDI ISANG BABAE ANG AKING NAPILING MAKATAMBAL SA ELEKSYONG DARATING.

DAHIL SA PAMUMUNO NI PRESIDENT GMA, NAKITA KO ANG TINATAWAG NATING MOTHER’S TOUCH.

DAHIL SIYA AY ISANG BABAE, EPEKTIBO NIYANG NAHIMAS TUNGO SA GANAP NA KALUSUGAN ANG NAGHIHINGALONG EKONOMIYA NA KANYANG NADATNAN NG SIYA AY MALUKLOK. SA MARAMING PAGKAKATAON AY NAKITAAN DIN NATIN SIYA NG KAKAYAHANG MAGPAKALALAKE. AT DAHIL DITO AY TINAGURIAN SIYA NG MARAMI NA MATARAY O SUPLADA. ANG HINDI ALAM NG MARAMI, PARAAN LAMANG ITO NI PRESIDENT GMA UPANG MARINIG NG MAS MALALAKING KALALAKIHAN NA NAKAPALIBOT SA KANYA ANG KANYANG TINIG, … LOUD AND CLEAR.

ANG PAGPUPULONG KAGAYA NITO AY NAGBIBIGAY SA INYO NG PAGKAKATAON UPANG IDIIN ANG PAGKAKAISA NG KABABAIHANG MAMBABATAS AT ISULONG ANG MGA MAHALAGANG LAYUNIN NG TUNAY NA KAPANGYARIHAN AT KAPATIRAN NG KABABAIHAN SA PAMAHALAAN.

ANG MGA HAMON SA KABABAIHAN SA PANAHON NGAYON AY NAGBIBIGAY SA INYO NG MASUSING PAGKAKATAON UPANG MAIANGAT ANG BUHAY NG INYONG MGA KABARO.

MALAYO PA ANG DAAN NA ATING TATAHAKIN BAGO MAABOT NG MGA PILIPINA ANG TUNAY NA KALAKASAN. KAILANGAN MUNANG MASAGOT ANG KAHIRAPAN, SA KANAYUNAN MAGING SA LUNSOD, KUNG SAAN AND NAKARARAMI SA MGA MAHIHIRAP AY KABABAIHAN. KAILANGAN PA NATIN ASIKASUHIN ANG DISKRIMINASYON KONTRA SA KABABAIHAN SA TRABAHO, SA GUBYERNO AT IBANG LUGAR SA ATING BUHAY PANLIPUNAN. AT KAILANGAN PA NATING MAIBALIK SA NORMAL ANG SITWASYON NG KABABAIHAN AT KABATAAN SA MGA LUGAR NG DIGMAAN. KAILANGAN RIN NATING MAKAHANAP NG PERMANENTENG SOLUSYON SA KARAHASAN KONTRA SA KABABAIHAN. AT KAILANGANG BIGYANG KATAPUSAN ANG LAHAT NG URI NG DISKRIMINASYON LABAN SA KABABAIHAN.

ANG SAGOT SA MGA ISYUNG ITO AY NAGSISIMULA SA KAMAY NINYONG MGA REPRESENTANTE NG KABABAIHAN SA LOKAL NA LEHISLATURA. DAHIL KAYO ANG DIREKTANG NAKAKASALAMUHA NG ATING MGA KABABAIHAN SA INYONG LUGAR. AT SA INYONG PAGGAWA NG LOKAL NA BATAS AY MAAARI NINYONG MABAGO ANG PAMUMUHAY NG MGA KABABAYAN NINYONG BABAE.

NGUNIT BUKOD SA INYONG PAGIGING BABAE, KAYO RIN AY MGA ASAWA AT INA. AT BILANG ILAW NG TAHANAN, MALAKI ANG GINAGAMPANAN NINYONG PARTE SA PAGHUBOG NG KAISIPAN AT KARAKTER NAMING KALALAKIHAN.

GAYA NGA NG SABI KO, AKO AY PRODUKTO NG PAGSISIKAP NG AKING INA. KAYA DAPAT MAGTULONG-TULONG TAYO, BABAE AT LALAKE, SA PAGRESOLBA SA MGA ISYU NG KABABAIHAN. MAKAKAASA KAYO NA SAAN MAN AKO MAPADPAD SA HINAHARAP, KAAGAPAY AKO NG MGA KABABAIHAN SA PAGSULONG NG INYONG MGA INTERES SA PAMAHALAAN.

BILANG ISANG SENADOR ISA TAYO SA MGA NAGTAGUYOD SA KAPAKANAN NG KABABAIHAN. ISA TAYO SA MAIN AUTHORS NG REPUBLIC ACT 9208 O ANG ANTI-TRAFFICKING IN PERSONS ACT. NAGFILE DIN ANG INYONG LINGKOD NG MGA PANUKALA NA NAGBIBIGAY PROTEKSYON SA MGA KABABAIHAN GAYA NG SENATE BILL 1948 NA NAGBIBIGAY NG DAGDAG NA PROTEKSYON SA MGA ANAK NA BABAE NA BIKTIMA NG INCESTOUS RAPE. NAGFILE DIN TAYO NG SENATE BILL NO. 2063 NA NAGBABAWAL NG DISKRIMINASYON LABAN SA KABABAIHAN SA LUGAR NG TRABAHO. AT ANG SENATE BILL NO. 2351 NA NAGTATAAS NG PARUSA SA PANGAABUSO SA KABATAAN, LALO NA ANG KABATAANG BABAE.

NGUNIT HINDI NATATAPOS SA SENADO ANG AKING MISYON PARA SA INYO. KUNG TAYO AY PAPALARING MAKAPAGLINGKOD SA IBANG POSISYON, ANG INYONG KABAYAN AY MAGIGING BOSES NG KABABAIHAN SA PAMAHALAAN.

ISUSULONG NG INYONG KABAYAN ANG PANUKALA NA MANDATORY ALLOCATION SA KABABAIHAN NG HINDI BABABA SA ONE-THIRD NG APPOINTIVE POSITIONS.

SINUSUPORTAHAN DIN NG INYONG KABAYAN ANG PAGBIBIGAY SA KABABAIHAN NG KARAPATANG MAKAPAMILI NG PRE-CONCEPTION FAMILY PLANNING METHOD AYON SA KANIYANG PANINIWALA AT REHIYON.

AT DAHIL MARAMI SA ATING MGA KABABAIHAN AY BIKTIMA NG ABUSIVE PARTNERS, KASAMA NINYO AKONG MAKIKIPAGLABAN NA ITAAS ANG PARUSA SA DOMESTIC VIOLENCE AT SA “LIMITED O QUALIFIED DIVORCE” NA NAGPAPAWALANG BISA SA KASAL NG BABAE SA ABUSADONG MISTER.

AT DAHIL ANG ISYU NG EKONOMIYA AY INTERES NG KABABAIHAN, AT ANG ISYU NG EDUKASYON, KALUSUGAN, KRIMINALIDAD AT KAWALAN NG KAPAYAPAAN SA LANSANGAN AY MGA ISYU NG KABABAIHAN, HINIHIKAYAT KO KAYO NA PANGUNAHAN ANG LABAN NG BAYAN PARA MARESOLBA ANG MGA PROBLEMANG ITO.

SAMA-SAMA NATING ITAGUYOD IPAGLABAN ANG KARAPATAN NG KABABAIHANG PILIPINO AT KAGALINGAN NG ATING LAHI TUNGO SA IBAYONG KAUNLARAN.

MARAMING SALAMAT, AT MULI BINABATI KO KAYO NG ISANG, MAGANDANG HAPON, ….BAYAN!

home   |   Speeches main page   |