SOCIAL SERVICES

GROUNDBREAKING CEREMONIES PROJECT HOPE FOR BADJAO OF BATO & KULAY BATO BARANGAY, Lamitan, Basilan, September 17, 2004, 1:00 p.m.

ASSALAMU ALAIKUM WARAHMATTULLAHI WABARAKATUH!

ATING NASAKSIHAN KANINA ANG PAGKAKAROON NG BAGONG PAG-ASA SA MGA KAPATID NATING KATUTUBONG BADJAO SA BARANGAY BATO (OR KULAY BATO) LAMITAN, BASILAN SA PAGBUBUKAS NG PABAHAY SA NASABING BARANGAY. NGAYON NAMAN AY ATIN RING PAPASINAYAAN ANG PAGBUBUKAS NG PABAHAY SA INYONG BARANGAY. ITO AY ISANG PAG-ASA NA MAKAPAGPAPAANGAT NG INYONG BUHAY.

KATULAD NG NABANGGIT KO KANINA SA MGA TAGA - BARANGAY BATO (O KULAY BATO), ANG MGA PROYEKTONG TULAD NITO AY MAGBIBIGAY NG BAGONG PAG-ASA AT MALAKING KAGINHAWAHAN SA LIMAMPUNG (50) PAMILYA NG MGA KATUTUBONG BADJAO DITO SA INYONG BARANGAY. ANG PERANG GINUGOL DITO AY BAHAGI NG LIMANG MILYON AT LIMANG DAAN LIMAMPU’T LIMANG LIBONG PISONG (P 5,555,000.00) NA DONASYON NG PCDF PARA SA “LIVELIHOOD AT SHELTER ASSISTANCE.”

ITO AY ISANG NAPAKAHALAGANG TUGON SA ADHIKAIN NG KASALUKUYANG ADMINISTRASYON SA PAMUMUNO NI PANGULONG GLORIA MACAPAGAL-ARROYO, NA SUGPUIN ANG KAHIRAPAN AT IBA PANG SULIRANIN NG BANSA SA PAMAMAGITAN NG INILATAG NIYANG 10 POINT AGENDA O MAS TANYAG SA TAWAG NA “BEAT THE ODS.”

ISA ITONG KATUGUNAN SA “DECONGESTION NG METRO MANILA” SA PAMAMAGITAN NG PAGTATAYO NG MGA PABAHAY SA LUZON, VISAYAS AT MINDANAO.

SA PAMAMAGITAN NG “PROJECT HOPE FOR BADJAO FAMILIES,” MABABAWASAN ANG ANTAS NG PAGLIKAS NG MGA KATUTUBONG BADJAO SA METRO MANILA AT IBA’T-IBA PANG LUGAR UPANG DOON MAKIPAGSAPALARAN SA PAGHAHANAP NG TRABAHO.

MAKAPAGSISIMULA NA RIN SILA NG SARILI NILANG NEGOSYO O MALIIT NA PANG-KABUHAYAN TULAD NG PAGGAWA NG BANGKA, PAGSASAKA NG MGA DAMONG DAGAT O “SEAWEED FARMING” AT PAGHAHABI NG MGA BAG AT BANIG, GANON DIN ANG PAGLINANG NG MGA YAMANG DAGAT AT LUPA NG LAMITAN.

BILANG ALTERNATE CHAIR NG NATIONAL ANTI-POVERTY COMMISSION (NAPC), SA PAGSUGPO SA KAHIRAPAN AY PRIORIDAD NATIN ANG PAGLIKHA NG KABUHAYAN, TRABAHO AT ISANG MARANGAL NA TAHANAN PARA SA BAWAT MAMAMAYAN. ISANG PARAAN DITO ANG PAGPAPALAKAS NG ATING MGA MICROFINANCE INSTITUTIONS.

LAYUNIN KO RING PALAKASIN PA ANG PARTISIPASYON NG MGA LOKAL NA PAMAHALAAN AT PRIBADONG SEKTOR PARA ITAGUYOD ANG MGA PROGRAMA AT PROYEKTONG TULAD NITO NA SISIGURADUHIN NATING MAYROON SILANG SAPAT NA PONDO PARA SA MGA SERBISYONG PAMPUBLIKO.

KANINA SA BARANGAY BATO (O KULAY BATO) AY NAIPALIWANAG KO NA ANG MGA PROGRAMANG ISINUSULONG NG AKING OPISINA SA ILALIM NG NAPC AT NG HOUSING AND URBAN DEVELOPMENT COUNCIL (HUDCC) TULAD NG TULAD NG: 1) PAGBABAWAS NG INTEREST RATE PARA SA MGA HOUSING LOANS; 2) PAGPAPABABA NG MONTHLY AMORTIZATION NG DALAWAMPU (20) HANGGANG DALAWAMPU’T LIMANG (25) PORSIYENTO; 3) PAGPAPAHABA NG TERMINO NG UTANG HANGGANG TATLUMPUNG (30) TAON; AT 4) ANG BILANG NG ARAW NG PAGPO-PROSESO NG LOAN APPLICATION AY PWEDE NANG TAPUSIN SA LOOB NG PITONG (7) ARAW.

MULI, SA PAGKAKATAONG ITO AY IIWAN KO ANG ISANG HAMON PARA SA ATING LAHAT… PAGTUTULUNGAN, PAGKAKAISA AT PAG-SANTABI NG ATING MGA PANSARILING ADHIKAIN.

INAASAHAN DIN NATIN NA ANG PROYEKTONG ITO AY MAGIGING DAAN TUNGO SA PAGKAKAROON NG MATIBAY AT WALANG KATAPUSANG KAPAYAPAAN SA ATING BANSA, LALONG LALO NA DITO SA MINDANAO.

SA ATING PAGTUTULUNGAN, HINDI MALAYONG MAKAMTAN NATIN ANG LAYUNING MAPAUNLAD ANG ANTAS NG PAMUMUHAY NG MAMAMAYANG PILIPINO, KATULAD NG ADHIKAIN NG “PROJECT OF HOPE FOR BADJAO FAMILIES” NG DSWD.

MARAMING SALAMAT AT MULI ISANG MAINIT NA PAGBATI!

MARAMING SALAMAT AT MAGANDANG GABI BAYAN…

home   |   Speeches main page   |