SOCIAL SERVICES

BOTICA NG BAYAN OUTLET, Batasan Hills, Quezon City, June 20, 2005

MAGANDANG UMAGA . . . BAYAN!

(KUMUSTA HO KAYONG LAHAT DYAN? SIGURO NAMAN LAHAT TAYO RITO AY MALULUSOG AT WALANG SAKIT . . . TANDAAN NINYO SA PANAHON NGAYON . . . BAWAL ANG MAGKASAKIT)

ANDITO TAYO NGAYON UPANG PASINAYAAN NATIN ANG PAGBUBUKAS NG ISA PANG OUTLET NG BOTIKA NG BAYAN . . . MARAHIL WALA ITO AT HINDI NAGING MATAGUMPAY ANG PROGRAMANG ITO KUNG HINDI SA MASUGID NA PANGUNGUNA NG PHILIPPINE INTERNATIONAL TRADING CORPORATION (PITC) NA PINAMUMUNUAN NG AKING KAIBIGAN – SEC. ROBERTO M. PAGDANGANAN.

MASASABING ISANG MALAKING TULONG ANG MGA BOTIKA NG BAYAN SA ATING MGA KABABAYAN LALONG-LALO PA AT PAMAHAL NG PAMAHAL LAHAT NG BILIHIN. ISA RIN ITONG PAGPAPATUNAY NA TINUTUPAD NG ARROYO ADMINISTRATION ANG INILATAG NITONG 10 POINT LEGACY AGENDA – TO MAKE ESSENTIAL MEDICINES AVAILABLE, ACCESSIBLE AND AFFORDABLE ESPECIALLY TO THE POOR.

ALAM NATIN NA SA ISANG MARALITA ANG PAGBILI NG GAMOT AY HINDI BINIBIGYANG HALAGA DAHIL SA MAHAL NG MGA GAMOT AT ANG BAWAT SENTIMO NA KANYANG PINAGHIRAPAN AT PINAGPAWISANG KITAIN AY INIUUKOL NA LANG PARA SA KANILANG PAGKAIN AT IBANG PANGANGAILANGAN.

KAYA NAMAN GANUN NA LANG ANG GALAK NG NAKARARAMI NG MAITATAG ANG MGA BOTIKANG BAYAN. . . NGAYON AY MAY 217 BOTIKANG BAYAN AT TARGET PA NG PITC NA MADAGDAGAN ITO HANGGANG 1,500 SA LOOB NG KASALUKUYANG TAON.

MGA KABABAYAN, TANGKILIKIN NATIN ITONG 217 BOTIKA NG BAYAN AT MGA SUSUNOD PANG ITATATAG . . . BUKOD SA MURANG HALAGA NG GAMOT AY NAKAKASIGURO DIN TAYO NA HINDI PASO O EXPIRED ANG MGA BINIBENTA DITO. SA PAMAMAGITAN NG INYONG PAGTANGKILIK AY MASISIGURO NATING LALAGO ANG PROGRAMANG ITO AT LALO PANG DADAMI ANG MGA NEGOSYATENG MAG-BUBUKAS NG BOTIKANG BAYAN. . . AT TULUYAN NG MAIPAGKAKALOOB SA BAWAT ISA SA ATIN LAHAT NG URI NG GAMOT – BRANDED OR GENERIC MEDICINES WILL BE MADE AVAILABLE IN ALL OUTLETS AT A PRICE 5 TO 6 TIMES CHEAPER THAN THE PREVAILING MARKET PRICE.

SA PABAGO-BAGO ANG PANAHON (MINSAN MAINIT, MINSAN MAULAN AT PATI NA SA ATING PULITIKA AY MAINIT NA RIN) HINDI MALAYO NA TAYO AY MAGKASAKIT (SAKIT SA KATAWAN, KALUSUGAN AT TULUYANG PAGBAGSAK NG ATING EKONOMIYA) . . . PAG-NAGKATAON AY MAUUBOS ANG ATING MGA IPON SA BANKO KUNG MERON MAN (PATI NA ANG ATING PASENSYA SA MGA TAONG NAIS MANGGULO AY MALAMANG MAUBOS NA RIN).

KAYA MGA KABABAYAN. . . HINIHIMOK KO KAYO NA MAKIISA AT MAKIPAGTULUNGAN NA MAPATATAG AN GATING PAMAHALAAN AT MAIANGAT ANG ATING EKONOMIYA SA PAMAMAGITAN NG PAGTANGKILIK AT PAGSUPORTA SA LAHAT NA PROGRAMA NGA ATING ADMINISTRASYON. SIMULAN NATIN ITO SA ATING MUMUNTING KOMUNIDAD . . . TULAD NG BOTIKA NG BAYAN. HUWAG NA TAYONG MAGPADALA AT MAGPALOKO SA MGA TAONG MAPANLINLANG AT MAPAGSAMANTALA PARA LANG SA KANILANG KAPAKANAN.

MARAMING SALAMAT . . . SA INYONG BUONG TIWALA AT PAGSUPORTA.

MABUHAY TAYONG LAHAT . . . MABUHAY ANG BANSANG PILIPINAS . . .

home   |   Speeches main page   |