ENVIRONMENTAL PROTECTION, CONSERVATION, AND SUSTAINABLE DEVELOPMENT

"Re-Engineering the Philippine Land Administration and Management System Towards a Strong Republic" 31st GEPI Annual Directorate Meeting and Convention, Tagaytay International Convention Center, June 17, 2005

MAGANDANG HAPON PO SA INYONG LAHAT.

NAGPAPASALAMAT PO AKO SA GEODETIC ENGINEERS OF THE PHILIPPINES, INC. SA PAG-IMBITA NINYO SA AKIN DITO SA INYONG ANNUAL DIRECTORATE MEETING AND CONVENTION.

I WOULD LIKE TO THANK YOU FOR GIVING ME THIS OPPORTUNITY TO SPEAK ON THE GOVERNMENT’S EFFORTS TO IMPROVE LAND ADMINISTRATION AND MANAGEMENT IN THE COUNTRY.

HINDI PO MATATAWARAN ANG KAHALAGAHAN NG LAND ADMINISTRATION SA ATING BANSA. MALIBAN SA PABAHAY, ANG LUPA, BILANG ISANG NATURAL RESOURCE, AY KAILANGAN DIN NATIN PARA SA AGRIKULTURA AT INFRASTRUCTURE DEVELOPMENT, KUNG KAYA’T NARARAPAT LAMANG NA ISAAYOS ANG PAGGAMIT NITO PARA MAGING MAS KAPAKIPAKINABANG AT MAKATULONG SA PAG-UNLAD NG NAKAKARAMI.

KAMI PO SA SEKTOR NG PABAHAY AY MADALAS MAKATANGGAP NG REKLAMO MULA SA MGA DEVELOPERS, DAHIL BUKOD SA MABAGAL NA PAGPO-PROSESO NG MGA HOUSING PERMITS AT LICENSES, PROBLEMA DIN NILA ANG MABAGAL NA PAGKUHA O PAGSASA-AYOS NG TITULO NG LUPA PARA SA KANILANG MGA PROYEKTO.

DITO SA ATING BANSA AY INAABOT NG TATLONG TAON ANG PAGKUHA O PAGSASA-AYOS NG TITULO NG LUPA. DAGDAG PA RIYAN AY NAGKAKAROON NA RIN TAYO NG PROBLEMA SA KAKULANGAN NG BLANK TITLE FORMS.

ANG MATAGAL NANG PROBLEMA NG PATUNG-PATONG NA PROSESO SA PAGPAPATITULO NG LUPA AY NAGIGING BALAKID DIN SA PAGPAPATUPAD NAMIN NG MGA PROYEKTONG PABAHAY PARA SA MGA INFORMAL SETTLERS.

NAPAKALAKI NG IMPLIKASYON NG MABILISANG PAG-SASAAYOS NG TITULO NG LUPA UPANG MABILIS NA MATUGUNAN ANG MALAKING PANGANGAILANGAN SA PABAHAY SA BUONG BANSA.

MULA 2005 HANGGANG 2010, AABOT SA 3.6 MILYONG PAMILYA PILIPINO ANG MANGANGAILANGAN NG SEGURIDAD SA PANINIRAHAN. PARA MATUGUNAN ANG GANYAN KALAKING PANGANGAILANGAN, ISA SA MGA KAILANGANG IPATUPAD SA LALONG MADALING PANAHON AY ISANG MAAYOS NA SISTEMA NG LAND ADMINISTRATION SA BANSA.

SEVERAL STUDIES SHOW THAT THE COUNTRY’S LAND ADMINISTRATION SYSTEM SUFFERS FROM “SERIOUS LEGAL AND INSTITUTIONAL DEFECTS IN BOTH STRUCTURE AND OPERATIONS.” BUKOD SA MABAGAL NA PROSESO AY BUKAS PA RIN SA GRAFT AND CORRUPTION ANG LAND TITLING SA PILIPINAS.

ANG GANYANG SISTEMA AY TALIWAS SA POLISIYA NG ATING GOBYERNO.

ANG ATING PANGULONG ARROYO AY NANINIWALA SA PANUKALA NG PERUVIAN ECONOMIST NA SI HERNANDO DE SOTO NA ANG LUPA AY HINDI LAMANG PAG-AARI, KUNDI MAARI RING KAPITAL PARA MAKILAHOK SA ECONOMIC ACTIVITIES ANG MGA TAO, AT MAPAUNLAD ANG PAMUMUHAY LALO NA NG MAHIHIRAP.

KAYA NAMAN ISINUSULONG NG PAMAHALAAN ANG PAG-AARI NG LUPA PARA SA MGA MAHIHIRAP. KASAMA NA RIYAN ANG IBA’T-IBANG PARAAN NG PAGMAMAY-ARI NG LUPA NG MGA INFORMAL SETTLERS SA LUPANG KANILANG TINITIRHAN.

ALSO, WE IN THE HOUSING SECTOR ARE PUSHING FOR THE REMOVAL OF POLICIES THAT HAMPER LAND DEVELOPMENT. KASAMA RITO ANG MGA MAKALUMANG BUILDING CODES, APPROVAL PROCESSES NA DOBLE-DOBLE AT AKSAYA SA ORAS, SOBRANG HIGPIT NA ZONING ORDINANCES, AT MGA BAYARIN AT BUWIS NA LABIS-LABIS O HINDI NAMAN KAILANGAN. AT SIYEMPRE, KABILANG DIN SA MGA TINUTUTUKAN NAMIN AY ANG MABAGAL NA PAGKUHA NG TITULO SA LUPA.

ISINUSULONG DIN NAMIN ANG PAGKAKAROON AT PAGPAPATUPAD NG NATIONAL LAND USE POLICY. THIS WILL INTEGRATE EFFORTS, MONITOR DEVELOPMENT RELATED TO LAND USE, AND EVOLVE POLICIES, REGULATIONS AND DIRECTIONS.

KAILANGAN NATIN NG ISANG PAMBANSANG POLISIYA SA TAMANG PAGGAMIT NG LUPA PARA MAPAGYAMAN NG HUSTO ANG POTENSYAL NG ATING MGA LUPAIN, MASAAYOS ANG PAGLAWAK NG URBAN CENTERS, AT MA-PROTEKTAHAN ANG ATING MGA LIKAS NA YAMAN.

AT THIS POINT I WOULD LIKE TO MENTION THE LAND ADMINISTRATION AND MANAGEMENT PROGRAM (LAMP), WHICH IS SUPPORTED BY THE AUSTRALIAN AID (AUSAID) AND WORLD BANK.

BAGAMA’T ANG DEPARTMENT OF ENVIRONMENT AND NATURAL RESOURCES (DENR) AT DEPARTMENT OF JUSTICE (DOJ) ANG MGA AHENSYANG DIREKTANG MAY KINALAMAN DITO, KAUGNAY PA RIN SA MANDATO NG HUDCC ANG PROYEKTONG ITO, LALO NA SA USAPIN NG LAND USE POLICIES AND LAND TITLING.

ANG LAND ADMINISTRATION AND MANAGEMENT PROGRAM AY ISANG PANGMATAGALANG COMMITMENT NG GOBYERNO NG PILIPINAS UPANG MATUGUNAN ANG MGA SUMUSUNOD NA ISYU SA LUPAIN:

UNA AY ANG MAHINA AT HINDI EPISYENTENG LAND ADMINISTRATION SYSTEM.

PANGALAWA AY ANG MAHIGPIT AT MAKALUMANG POLISIYA SA LAND ADMINISTRATION AT MANAGEMENT.

PANGATLO, AY ANG KAKULANGAN NG ACCOUNTABILITY, TRANSPARENCY AT FOCUS SA PAGTUGON SA PANGANGAILANGAN NG MGA AHENSYA AT NG PUBLIKONG UMAASA SA SISTEMANG ITO.

AT PANG-APAT, AY ANG PATUNG-PATONG AT HINDI PAREHONG LAND VALUATION SYSTEMS.

DALAWA PO ANG LAYUNIN NG LAMP. UNA AY MAPAGBUTI ANG SECURITY OF TENURE SA LUPAIN, AT PANGALAWA AY MAISULONG ANG PATULOY NA PAGLAGO NG EKONOMIYA.

THESE WILL BE DONE THROUGH THE DEVELOPMENT OF AN EFFICIENT SYSTEM OF LAND ADMINISTRATION, WHICH IS BASED ON CLEAR, COHERENT AND CONSISTENT POLICIES AND LAWS. KALAKIP DIN DITO ANG MGA REPORMANG INSTITUSYUNAL.

ANG SISTEMA NG LAND ADMINISTRATION, TITLING AT VALUATION SA BANSA AY MAHIGIT ISANDAANG TAON NA. SA LOOB NG MAHABANG PANAHON NA IYAN NAGKAPATUNG-PATONG AT NAGKABUHOL-BUHOL ANG MGA PROSESONG SIYA PA RING NATING SINUSUNOD SA NGAYON. DAHIL DIYAN AY HINDI RIN MADALING ISULONG ANG PAGBABAGO. KAYA’T MALAKING BAGAY ANG SERYOSONG COMMITMENT, HINDI LAMANG NG GOBYERNO KUNDI NG LAHAT NG SEKTOR NA MAY KINALAMAN DITO.

UMAASA PO AKO NA MAGIGING KAAGAPAY NAMIN KAYO SA PAGSUSULONG NG MGA REPORMA NA MAGBIBIGAY KASAGUTAN SA MATAGAL NA NATING PROBLEMA SA LUPA.

WE ARE COUNTING ON YOUR HELP AND SUPPORT TO ENGINEER A BETTER LAND ADMINISTRATION SYSTEM, AND ULTIMATELY, TO MAP OUT A BETTER FUTURE FOR OUR COUNTRY.

SA NGAYON PO, ALAM NAMAN NATING LAHAT NA BILANG ISANG BANSA AY NAHAHARAP NA NAMAN TAYO SA ISANG MALAKING PAGSUBOK.

ANG KAILANGAN PO NATIN NGAYON AY PAGKAKAISA. HIGIT KAILANMAN, KAILANGAN NATING MAG-ISIP AT MAGING MAHINAHON UPANG MALAMPASAN NATIN ANG HAMON NA ITO. HINDI DAPAT MABALE-WALA ANG MGA NAKAKAMIT NA NATING PAG-UNLAD. HINDI DAPAT MASAYANG ANG MGA PINAGHIRAPAN NATIN NA SA NGAYON AY UNTI-UNTI NANG NAGBUBUNGA.

NANANATILI PO ANG AKING BUO AT MATATAG NA SUPORTA SA ATING PANGULO, SA ATING KONSTITUSYON AT SA SAMBAYANANG PILIPINO.

BILANG BISE PRESIDENTE, AT BILANG INYONG KABABAYAN, NANAWAGAN PO AKO NA SANA AY MAGKAISA TAYO SA PANAHONG ITO.

MARAMING SALAMAT PONG MULI SA INYONG PAANYAYA, AT MAGANDANG HAPON SA INYONG LAHAT.

home   |   Speeches main page   |