QUALITY EDUCATION AND JOB OPPORTUNITIES FOR ALL

LAUNCHING OF PROJECT MAGBASSA KITA at Patikul, Sulu, 14 July 2004, 1:30 pm

GOOD AFTERNOON TO OUR HONORABLE SECRETARY DINKY SOLIMAN, HONORABLE GOV. BENJAMIN LOONG, VICE GOV. HADJA NUR-ANA SAHIDULLA, AND TO OUR ENERGETIC LOCAL OFFICIALS OF THE PROVINCE OF SULU.

MAKASAYSAYAN ANG HAPONG ITO DAHIL SA PAGBUBUKAS NG ISANG MAKABULUHANG PROYEKTO NA INAASAHANG MAKAKAPAGPABAGO SA BUHAY NG MGA KAPATID NATING MUSLIM. BINIGYANG PUGAY KO ANG INISYATIBO NG ATING BUTIHING SENADORA SANTANINA RASUL AT ANG KANYANG PAMAMAHALA SA “PROJECT MAGBASSA KITA FOUNDATION INC.“

SA PAMUMUNO NI SENATOR RASUL, NAKASISIGURO TAYO SA TAGUMPAY NG PROYEKTONG ITO NA NAGLALAYONG ISULONG ANG PAGUNLAD SA KABUHAYAN NG MGA KAPATID NATING MUSLIM AT MGA RESIDENTE NG JOLO SA PAMAMAGITAN NG LIVELIHOOD TRAININGS AT INFORMAL EDUCATION.

BATID KO NA ANG UNANG YUGTO NG PROYEKTO AY NAKATUON SA 220 KABABAIHANG MUSLIM. NANINIWALA AKO NA MAGANDANG SIMULAIN ITO SA PAGPAPALAWAK NG KARUNUNGAN SA BAWAT PAMILYANG MUSLIM. NGUNIT ANG BENEPISYO NG PROGRAMANG ITO AY MALAWAK. SA PANGKALAHATAN AY MAKIKINABANG ANG MGA KOMUNIDAD AT ANG BUONG SAMBAYANAN.

ANG PAGDALO NINYONG LAHAT, NA MULA PA SA IBAT-IBANG SEKTOR NG LIPUNAN, AY TANDA NG PAGKAKAISA TUNGO SA PANGMATAGALANG KAUNLARAN DITO SA LALAWIGAN NG SULU. AKING PANGARAP NA ANG GANITONG PROYEKTO AY MAIPAGTULOY HINDI LANG DITO SA MINDANAO KUNDI MAGING SA IBANG BAHAGI NG BANSA.

MAGANDANG SIMULAIN DIN ANG PROYEKTONG ITO MATAPOS ANG ELEKSIYON, UPANG MAGSANIB NG PUWERSA ANG PAMBANSANG AT LOKAL NA PAMAHALAAN DITO SA MINDANAO. MAGSILBI SANA ITONG HAMON SA BAWAT ISA ATIN UPANG ISANTABI NATIN ANG ANOMANG HIDWAAN DULOT NG POLITIKA. ISANG HAMON NA DAPAT HARAPIN NG INYONG KOMUNIDAD UPANG MAITAGUYOD ANG MAGANDANG SIMULAIN NG MAGBASSA KITA FOUNDATION.

BILANG PAHULING SALITA, ASAHAN NINYO NA AKO AT SAMPU NG AKING KASAMAHAN SA AKING TANGAPAN AT ANG BUONG LIDERATO NI PANGULONG ARROYO AY KAISA SA MGA SUSUNOD PANG MGA MAKABULUHANG PROYEKTO TULAD NITO.

MARAMING SALAMAT AT MULI MABUHAY KAYONG LAHAT!

home   |   Speeches main page   |