SOCIAL SERVICES

SENIOR CITIZENS' SYMPOSIUM: REPUBLIC ACT 9257, 1 OCTOBER 2004, LIPA CITY PUBLIC PLAZA

ISANG KARANGALAN PARA SA AKIN ANG MAKAPILING KAYONG LAHAT NGAYONG HAPON, UNANG ARAW NG OKTUBRE – ANG “INTERNATIONAL DAY FOR OLDER PERSONS” PARA SA ISANG PAGTITIPON UPANG PAGUSAPAN ANG ITINATAKDA NG REPUBLIC ACT 9257.

ANG KAPAKANAN NG ATING MGA NAKATATANDANG PILIPINO, NG ATING MGA “SENIOR CITIZENS” AY ISANG ADHIKAING TUNAY NA MALAPIT SA AKING PUSO.

AKIN ITONG IPINAGLABAN NOONG AKO’Y AKTIBO PA SA TV AT RADYO. ITINULOY NATIN ANG LABAN SA SENADO. AT NGAYONG AKO’Y ITILAGA NINYO BILANG INYONG PANGALAWANG PANGULO, MAKA-AASA KAYO SA AKING WALANG SAWANG PAGSUPORTA.

TAUN-TAON AY ATING PINAGDIRIWANG ANG “LINGGO NG KATANDAANG PILIPINO” AT SA TAONG KASALUKUYAN ANG TEMANG “NAKATATANDA: HALIGI AT YAMAN NG KULTURANG PILIPINO” AY NAGPAPAKITA NG ATING PAGKILALA AT PAGPUGAY SA MALAKING KONTRIBUSYON SA ATING LIPUNAN AT BUHAY NG MGA NAKATATANDANG PILIPINO … ISANG PAGPATUNAY NA ANG KATANDAAN AY SIMBOLO NG GANAP NA KALINANGAN AT KARUNUNGAN ... KAYO ANG MGA NAKATATANDANG MIYEMBRO NG ATING LIPUNAN NA SANDIGAN NG ATING PAGIGING ISANG MATATAG NA LIPUNAN … KAYO ANG SUSI SA ATING KASAYSAYAN AT TULAY SA MAGANDANG HINAHARAP.

ANG MGA NAKATATANDA, “ELDERLY”, “SENIOR CITIZENS” O “OLDER PERSONS” AY MATAGAL NANG KINILALA SA PANDAIGDIGANG LIPUNAN SA PAMAMAGITAN NG IBAT-IBANG DEKLARASYON AT PROKLAMASYON MULA SA UNITED NATIONS, UNA NA DITO ANG RESOLUTION 46/91 NA KUNG SAAN IDINEKLARA ANG 1999 BILANG “INTERNATIONAL YEAR OF OLDER PERSONS” AT ANG RESOLUTION NO. 47/86 NA S’YA NAMANG NAGTATAG NG “INTERNATIONAL PLAN OF ACTION ON AGEING” NA S’YA NAMANG BASEHAN NG SARILI NATING PHILIPPINE PLAN OF ACTION FOR OLDER PERSONS NA INAPROBAHAN NI DATING PANGULONG ESTARDA NOONG IKA 17 NG JULY 2000.

AT BILANG KATUGUNAN SA MGA NABANGGIT NA U.N. DECLARATIONS AT RESOLUTIONS, IPINASA NG ATING KONGRESO NOONG 1992 ANG REPUBLIC ACT NO. 7432 NA SIYA NAMANG NAGKALOOB NG MGA BINIPESYO SA ATING MGA NAKATATANDA TULAD NG: 1) 20% DISKWENTO SA PAMASAHE, SA HOTEL, SA RESTAURAN, SA IBAT-IBANG BAHAY LIBANGAN AT PATI SA PAGBILI NG GAMOT,; 2) 20% DISKWENTO SA MGA TIKET SA SINEHAN, CIRCUS AT KAPAREHONG LUGAR; 3) ANG HINDI PAGBAYAD NG BUWIS; AT, 4) LIBRENG MEDICAL AT DENTAL SERVICES MULA SA PAMPUBLIKONG HOSPITAL.

MAKARAAN ANG ISANG DEKADA MULA NG IPASA ANG REPUBLIC ACT NO. 7432, KAPANSIN-PANSIN PA RIN ANG KAHIRAPAN AT KAWALAN NG TUGMANG PAGKILALA AT PAGKALINGA SA MGA NAKATATANDANG PILIPINO. KAYAT BILANG BOSES NG BAYAN SA SENADO AY AKING PINANUKALA ANG SENATE COMMITTEE REPORT NO. 89 NA NGAYON AY ISA NANG GANAP NA BATAS … ANG REPUBLIC ACT 9257 NA MAS KILALA BILANG “EXPANDED SENIOR CITIZENS ACT OF 2003”.

ITO AY NAGLALAYUNG PAG-IBAYUHIN ANG MGA KAKARAMPUT NA BENIPISYONG TINATAKDA NG REPUBLIC ACT 7432. AT TULAD NANG AKING TALUMPATI SA SENADO, AY MULI KONG UULITIN SA INYO NA KINIKILALA NG REPUBLIC ACT 9257 ANG TUNAY NA KALAGAYAN NG MGA SERBISYONG IPINAGKAKALOOB NG ATING PAMAHALAAN SA MGA NAKATATANDA… ISANG PATAKARAN NA HINDI LANG PUNO NG MGA PANGAKO, BAGKOS MAKAPAGBIBIGAY NG TAPAT AT HINDI PABAGU-BAGONG SUPORTA SA KANILANG PANGANGAILANGAN.

SA PAMAMAGITAN NG REPUBLIC ACT NO. 9257, BIBIGYANG KASIGURUHAN NG ATING PAMAHALAAN ANG MGA SUMUSUNOD NA SERBISYO PARA SA MGA NAKATATANDA:

ANG PAGKAKAROON NG PAKAKATAONG MAKAPAGTRABAHO AT MAKAPAGSANAY SA PANIBAGONG GAWAIN SA KABILA NG KANILANG PAGRIRITIRO SA TRABAHO;

WALANG HADLANG SA KARAPATAN SA PORMAL AT DI-PORMAL EDUCATION;

ANG PAGKAKAROON NG ISANG PAMBANSANG PROGRAMA SA PANGKALUSUGAN NG MGA NAKATATANDA;

ANG PAGTATAYO NG MGA “RESIDENTIAL CARE OR GROUP HOME” PARA SA MGA NAKATATANDA SA BAWAT LALAWIGAN;

ANG PAGKILALA SA KARAPATANG SIBIL AT POLITIKAL NG MGA NAKATATANDA AT ANG PAGTATANGGOL LABAN SA ANUMANG PAGLABAG SA NASABING MGA KARAPATAN;

ANG PAGKAKALOOB NG KARAGDAGANG BENIPISYO AT PRIBILEHEYO TULAD NG DISKWENTO SA PAMASAHE, SA GAMOT, SA PAGPAPALIBING NG ISANG MATANDA;

LIBRENG PAGSASANAY NG MGA PROGRAMANG PANGKABUHAYAN;

LIBRENG MEDICAL AT DENTAL SERVICES KASAMA DITO ANG IBAT-IBANG LABORATORY FEES SA MGA PAMPUBLIKONG PAGAMUTAN, SAMANTALANG 20% DISKWENTO NAMAN MULA SA MGA PRIBADONG PAGAMUTAN;

“EDUCATIONAL ASSISTANCE” PARA SA MGA NAKATATANDA NA NAGNANAIS MAGPATULOY NG PAG-AARAL SA KOLEHIYO AT MAGING SA TEKNIKAL NA KURSO;

ANG PAGPAPALAKAS SA OFFICE OF SENIOR CITIZENS AFFAIRS (OSCA) SA BAWAT LUNSOD O BAYAN; AT,

ANG PAGPAPATAW NG MATAAS NA MULTA SA SINUMANG LALABAG.

SA PAMAMAGITAN NG “EXPANDED SENIOR CITIZENS ACT OF 2003” AY UMAASA AKO NA ANG BAWAT ISA SA ATIN AY MAKIKIPAGTULUNGAN SA PAGSUSUPLONG SA MGA KINAUUKULAN SA SINUMANG LUMALABAG SA NASABING BATAS. SA GANITONG PARAAN NATIN MAIPAPADAMA SA MGA NAKATATANDANG PILIPINO ANG BUO AT TAPAT NATING PAGSUPORTA … BILANG PAGKILALA SA INYONG KONTRIBUSYON SA ATING EKONOMIYA AT KULTURA … SA INYONG MGA SAKRIPISYO SA ATIN AT SA INANG BAYAN HANGGANG MATAMO ANG ATING KALAYAAN ... PAGKILALA RIN SA KANILANG PAG-ARUGA AT PAGHUBOG SA ATING PUSO AT ISIPANG MAKABAYAN.

NAWAY SA DAPIT-HAPON NG INYONG BUHAY AY MAPAGLINKURAN AT MAPALIGAYA NAMIN KAYO … BAGAY NA AMIN RING MATATAMASA PAG DATING NG PANAHON … KUNG KAMI AY MATANDA NA.

MARAMING SALAMAT PO AT MABUHAY ANG NAKATATANDANG PILIPINO!

MABUHAY ANG SAMBAYANANG PILIPINAS!

home   |   Speeches main page   |