QUALITY EDUCATION AND JOB OPPORTUNITIES FOR ALL

Opening of School Exhibit, DLSU-Gregorio Araneta, Malabon City, 29 January 2004, 9:00 am

KAGALANG-GALANG NA PANGULO NG DE LA SALLE-ARANETA UNIVERSITY AT ANG PANGULO NG COUNCIL OF STUDENT LEADERS, ANG ATING SUB-COMMITTEE CHAIR NG 58TH FOUNDATION CELEBRATION CELEB FEST – EXHIBITS NA SI DR. JUAN F. POLICARPIO, AT SA INYO MINAMAHAL KONG KABATAAN, MAGANDANG UMAGA…. BAYAN!

IKINARARANGAL KONG MULING MAGBALIK SA GREGORIO ARANETA UNIVERSITY AT MAKASAMA KAYO SA INYONG 58TH FOUNDATION DAY. MARAMI DIN AKONG MASASAYANG ALAALA BILANG ESTUDYANTE DITO SA DE LA SALLE-ARANETA UNIVERSITY (DLS-AU) NA NOONG KAPANAHUNAN KO’Y KINIKILALA PA BILANG GREGORIO ARANETA UNIVERSITY FOUNDATION (GAUF). KUNG HINDI NYO PO NAITATANONG AY DITO SA INSTITUSYONG ITO KO IGINUGOL ANG ISANG TAON NG AKING PAG-AARAL SA COLLEGE NOONG LATE 1960s.

DITO SA UNIBERSIDAD NA ITO MAAGANG NAMULAT SA AKING KAISIPAN ANG VALUES NG PAGIGING KRISTIANO, PROFESSIONAL ETHICS AT PUBLIC SERVICE NA SIYANG NAGING GABAY SA AKIN SA PAGIGING BROADCASTER AT NGAYO’Y SENADOR. ITO ANG MGA PRINSIPYONG ITINATAGLAY NG INYONG TAGAPAGTATAG NA SI DON SALVADOR Z. ARANETA.

ITO RIN ANG KATANGIAN NG ATING UNIBERSIDAD NA LALONG NAPAGTIBAY NG PAKIKIPAG-ISA NG GREGORIO ARANETA UNIVERSITY SA DE LA SALLE UNIVERSITY, ISANG INSTITUSYONG KILALA RIN SA PAREHONG IDEYALISMO, PAGPAPAHALAGA AT MATAAS NA KALIDAD NG EDUKASYONG.

SA PAG-IISANG ITO’Y NG GAU AT DLSU, SIGURADONG MAGKAKAROON KAYO NG KAKAYAHANG PALAWAKIN ANG KALINANGAN NG MAS NAKARARAMING KABATAAN SA LARANGAN NG ENVIRONMENT, ANIMAL WELFARE, FOOD SECURITY, INFORMATION TECHNOLOGY, TRADE AND INDUSTRY, AT EDUKASYON.

IKINAGAGALAK KONG MAKAPILING KAYO AT SARIWAIN ANG AKING BUHAY ESTUDYANTE DITO SA GAU. KAYO ANG NAGBIBIGAY SA AKIN NG INSPIRASYON UPANG MAGAMPANAN KO NG TUWID ANG AKING TUNGKULIN BILANG INYONG TAGAPAGLINGKOD GAYON DIN ANG NAG-UUDYOK SA ’KIN NA ISAKATUPARAN ANG AKING PANGARAP NA MABIGYAN ANG ATING BAYAN, NG MAGANDANG KINABUKASAN.

MULI, NAIS KONG MAKIISA SA INYO SA SELEBRASYONG ITO. ISANG TESTIMONYA NG INYONG MGA NATATANGING PAGPAPAHALAGA AT IDEYALISMO ANG MGA PROYEKTO AT PRODUKTONG ITINATAMPOK DITO SA INYONG EXHIBIT. SANA’Y MAGPATULOY PA ANG INYONG TAGUMPAY SA PAGBIBIGAY NG MAHUSAY NA SERBISYO AT EDUKASYON.

MARAMING SALAMAT SA INYONG MAINIT NA PAGTANGGAP SA AKIN.

home   |   Speeches main page   |