QUALITY EDUCATION AND JOB OPPORTUNITIES FOR ALL

Virgen Milagrosa University, San Carlos City, Pangasinan, 20 January 2004, 3:00 pm

"MASANTOS A NGAREM ED SI KAYON AMIN! (Magandang hapon sa inyong lahat!)

KAGALANG-GALANG NA PANGULO NG VIRGEN MILAGROSA UNIVERSITY FOUNDATION NA SI DRA. MARIA LILIA POSADAS JUAN, ANG PANGULO NG COUNCIL OF STUDENT LEADERS NA SI GINOONG JAMES MAMARADLO, ANG ATING MAGITING NA EMCEE NA SI DR. MARCELO PAZ, AT SA INYO MINAMAHAL KONG KABATAAN, MAGANDANG HAPON…. BAYAN!

AKO’Y NAGPAPASALAMAT SA INYONG MAINIT NA PAGTANGGAP SA AKIN.

TUWING AKO AY KAPILING NG MGA KABATAAN, NAKAKALIMUTAN KO ANG AKING MGA PROBLEMA, LALO NA ANG POLITIKA. KAYO ANG NAGPAPAALALA SA AKIN NG AKING LUMIPAS NA KABATAAN. ANG INYONG IDEYALISMO ANG NAGBIBIGAY SA AKIN NG INSPIRASYON UPANG MAGAMPANAN KO NG TUWID ANG AKING TUNGKULIN BILANG INYONG TAGAPAGLINGKOD.

ANG MGA KABATAAN DIN ANG NAGBIBIGAY INSPIRASYON SA AKIN NA ISAKATUPARAN ANG AKING PANGARAP NA MABIGYAN ANG ATING BAYAN, NG MAGANDANG KINABUKASAN.

KAYA’T KUNG INYONG MAMARAPATIN, ANG INYONG KABAYAN, BAGAMA’T AKO AY LUMAKI SA MUNTING LALAWIGAN NG ORIENTAL MINDORO, ANG MAGSISILBING BOSES NG BAWAT ISA SA INYO UPANG MAPARATING SA GUBYERNO AT IBA PANG SANGAY NG ATING PAMAHALAAN ANG INYONG HINAING, MUNGKAHI, ADHIKAIN, AT PANGARAP.

IPAGLALABAN KO SA MALACAÑANG AT SA SUSUNOD NA GABINETE ANG INTERES NG KABATAANG PILIPINO SA EDUKASYON, SA KABUHAYAN, SA KALIKASAN AT SA LOKAL NA PAMAHALAAN.

SA USAPIN NG EDUKASYON, HANGAD KO ANG DE-KALIDAD AT ABOT-KAYANG EDUKASYON NG KABATAAN. DAHIL DITO, IMUMUNGKAHI KO SA PANGULO AT SA SUSUNOD NA GABINETE NA MAHIGPIT NA IPATUPAD NG PAMAHALAAN ANG ‘CONSTITUTIONAL MANDATE’ NA DAPAT ANG SEKTOR NG EDUKASYON ANG MAY PINAKAMALAKING BUDGET SA PAMAHALAAN UPANG HINDI NA MAGTAASAN PA NG MATRIKULA LALO NA ANG MGA STATE COLLEGES AND UNIVERSITIES.

HANGAD KO RIN NA MAIPATUPAD NG COMMISSION ON HIGHER EDUCATION, SA PAKIKIPAGTULUNGAN NG MGA PRIVATE SCHOOL, ANG MAKATOTOHANANG ‘TUITION FEE CONSULTATION’. HINDI NATIN TINUTUTULAN ANG TUITION FEE INCREASE! ANG NILALABANAN NATIN AY ANG HINDI MAKATARUNGANG TUITION FEE INCREASE NA NAGAGANAP KUNG WALANG MAKATOTOHANANG ‘CONSULTATION’ SA MGA STUDENT COUNCIL.

ANG INYONG KABAYAN NOLI DE CASTRO AY NANGANGAKONG RIN SA KABATAANG PILIPINO NA IMUMUNGKAHI KO SA SUSUNOD NA GABINETE, ANG PAGSASAGAWA NG MGA LIVELIHOOD O ENTREPRENEURSHIP TRAININGS SA LAHAT NG COLLEGES AND UNIVERSITIES BAWAT SEMESTRE, UPANG HABANG KAYO AY NAG-AARAL PA LAMANG, ANUMAN ANG INYONG KURSO O PLANO SA BUHAY, AY MATUTUTO NA KAYONG KUMITA KAHIT SA MAILIIT NG MGA KAPARAANAN.

ANG KAILANGAN NG BANSA SA MGA SUSUNOD NA DEKADA AY ANG MGA KABATAANG ‘UTAK ENTRE-PINOY’ LALO NA SA HANAY NINYONG MGA ESTUDYANTE. SAPAGKAT HINDI DAPAT PULITIKA, KUNDI KABUHAYAN SA MASA ANG DAPAT NA INILALAKO NG MGA KABATAANG NA KATULAD NINYO. SA INYONG HANAY DAPAT MAGMULA ANG ‘CRITICAL MASS’ NG MGA YOUNG ENTREPRENEURS SA MGA BAYAN-BAYAN.

SA LOOB NG MAHIGIT DALAWANG TAON KONG PAG-AARAL, NAPATUNAYAN KO NA DAPAT MULING MABAGO ANG EDAD NG SANGGUNIANG KABATAAN (SK) NA NGAYON AY LABING-LIMA HANGGANG LABINMPITONG TAONG GULANG LAMANG.

ANG INYONG KABAYANG NOLI DE CASTRO AY NANGANGAKO SA KABATAANG PILIPINO, NA IMUMUNGKAHI KO SA PANGULO NA SERTIPIKAHAN BILANG ‘URGENT’ ANG PANUKALANG BATAS SA SUSUNOD NA KONGRESO, NA MAGBABAGO NG EDAD NG SK MULA SA LABINLIMA (15) HANGGANG DALAWAMPU’T-APAT (24).

SA PAMAMAGITAN NITO, MAS HANDA ANG KONSEHO NG MGA KABATAAN SA BAWAT BARANGAY AT TIYAK NA HINDI SILA MAPAIIKUTAN LAMANG NG ILANG TIWALING OPISYAL NG PAMAHALAAN.

BATAY SA LOCAL GOVERNMENT CODE, 10% NG BARANGAY DEVELOPMENT FUND AY DAPAT MAPUNTA SA SK.

ANG ‘10% SHARE’ NG SK SA BARANGAY DEVELOPMENT FUND AY NAGKAKAHALAGA NG LIMAMPUNG LIBONG PISO SA MALIIT NA BARANGAY, HANGGANG ANIM NA MILYONG PISO, SA MAYAYAMANG BARANGAY, TULAD NG SAN LORENZO VILLAGE SA MAKATI.

SA BUONG BANSA, ANG 10% SHARE NG SK AY NAGKAKAHALAGA NA NG MAHIGIT DALAWANG BILYONG PISO! KAYA DAPAT, SA BAWAT BARANGAY, ANG MGA KATULAD NINYONG ESTUDYANTE, ANG DAPAT NANGANGASIWA SA PONDONG ITO. MAS RESPONSABLE! MAS HANDA! MAS MALAWAK ANG PANG-UNAWA KUNG BAGA, MAY K!

BATID NINYO ANG PAGIGING ‘CONSISTENT’ KO SA AKING MGA ADVOCACY PARA SA PROTEKSYON NG KALIKASAN. SA MAGANDANG GABI BAYAN AT SA DZMM, HINDI KO INIWANAN ANG AKING KRUSADA PARA SA KABUTIHAN NG KAPALIGIRAN.

DAHIL DITO, IPAGLALABAN KO SA MALACAÑANG AT IMUMUNGKAHI KO SA SANGGUNIANG KABATAAN, NA ANG MALAKING BAHAGI NG PONDO NG SK AY DAPAT MAILAAN SA EDUCATION AT INFORMATION CAMPAIGN AT PROGRAMANG PANGKAPALIGIRAN NG MGA KABATAAN SA BAWAT BARANGAY.

SA PAMAMAGITAN NG INSTITUSYON NG SK, NATITIYAK KO NA MAISASALBA PA NATIN ANG KASALUKUYAN SITWASYON NG ATING KAPALIGIRAN PARA SA KINABUKASAN NG ATING MGA KABATAAN.

THE PRESENT YOUTH GENERATION HAS THE RESPONSIBILITY TO TURN OVER TO THE NEXT GENERATION, AND THE GENERATIONS YET UNBORN, AN ENVIRONMENT THAT IS ECOLOGICALLY BALANCED AND HEALTHFUL.

EDUKASYON PARA SA KABATAAN! KABUHAYAN PARA SA KABATAAN! MAAYOS NA KAPALIGIRAN PARA SA KABATAAN AT MAS RESPONSABLENG PARTISIPASYON NG KABATAAN SA MGA PAMAHALAANG LOKAL, SA PAMAMAGITAN NG SANGGUNIANG KABATAAN, ANG BIBITBITIN KONG AGENDA SA MALACAÑANG AT SA SUSUNOD NA GABINETE.

SA PAMAMAGITAN DIN NG AGENDANG ITO, MAIIWAS NATIN ANG MGA KABATAAN SA ILIGAL NA DROGA AT IBA’T IBANG URI NG KRIMEN.

IYAN ANG PANATA NI KABAYAN SA KABATAANG PILIPINO!

BALBALEG YA SALAMAT ED SI KAYON AMIN! (Maraming salamat sa inyong lahat)

home   |   Speeches main page   |